Ang Diwa ng Pasko

Ang Diwa ng Pasko

Konting Trivia muna sa kapanganakan si Jesus (biblically) Mateo 1
¹⁸Ganito ang naging kapanganakan ni Jesucristo. Ang kaniyang inang si Maria ay nakatakdang mapangasawa ni Jose. Ngunit bago pa sila nagsama, si Maria ay natagpuang nagdadalang-tao na sa pamamagitan ng Banal na Espiritu. ¹⁹Si Jose na kaniyang asawa ay lalaking matuwid at hindi niya ginusto na mapahiya sa madla si Maria, kaya nagpasiya siyang paalisin nang lihim si Maria.

²⁰Samantalang iniisip niya ang mga bagay na ito, narito, isang anghel ng Panginoon ang nagpakita sa kaniya sa isang panaginip. Sinabi ng anghel: Jose, ikaw na nagmula sa angkan ni David, huwag kang mangambang tanggapin si Maria na iyong asawa. Ito ay dahil ang dinadala niya sa kaniyang sinapupunan ay sa Banal na Espiritu. ²¹Siya ay manganganak ng isang lalaki. Ang ipangangalan mo sa kaniya ay Jesus sapagkat ililigtas niya ang kaniyang mga tao sa kanilang kasalanan.

²²Ang lahat ng ito ay naganap upang matupad ang sinabi ng Panginoon sa pamamagitan ng mga propeta. ²³Sinabi nila: Narito, isang dalagang birhen ang magdadalang-tao at manganganak ng isang lalaki. Tatawagin nila siyang Emmanuel na ang ibig sabihin ay: Ang Diyos ay sumasaatin.

²⁴Sa pagbangon ni Jose mula sa pagkakatulog, ginawa niya ang ayon sa ipinag-utos sa kaniya ng anghel ng Panginoon. Tinanggap niya si Maria upang maging asawa. ²⁵Hindi niya sinipingan ang kaniyang asawa hanggang sa maipanganak niya ang kaniyang panganay na anak na lalaki. Pinangalanan siya ni Jose na Jesus.

Ang Pagdating ng mga Pantas Mateo 2
¹Pagkatapos na maipanganak si Jesus sa Bethlehem ng Juda, sa panahon ng paghahari ni Herodes, may dumating sa Jerusalem mula sa silangan, na mga lalaking pantas sa pag-aaral ng mga bituin. ²Sinabi nila: Saan naroroon ang ipinanganak na Hari ng mga Judio? Ito ay sapagkat nakita namin ang kaniyang bituin sa silangan at naparito kami upang sambahin siya.

³Nang marinig ni haring Herodes ang mga bagay na ito, naligalig siya at ang lahat ng mga tao sa Jerusalem. ⁴Tinipon niya ang lahat ng mga pinunong-saserdote at mga guro ng kautusan ng mga tao. Tinanong niya sa kanila kung saan ipanganganak ang Mesiyas. ⁵Sinabi nila sa kaniya: Sa Bethlehem ng Judea sapagkat ganito ang isinulat ng propeta: ⁶Ikaw Bethlehem sa lupain ng Juda, hindi ikaw ang pinakamaliit sa mga gobernador ng Juda sapagkat mula sa iyo ay lalabas ang isang pinuno na siyang mamumuno sa aking bayang Israel.

⁷Nang magkagayon, tinawag ni Herodes nang palihim ang mga pantas na lalaki. Itinanong niyang mabuti sa kanila kung kailan nagpakita ang bituin. ⁸At pinapunta niya sila sa Bethlehem. Sinabi niya: Pumaroon kayo at matiyaga ninyong ipagtanong ang patungkol sa bata. Kapag natagpuan ninyo siya, balitaan ninyo ako upang makapunta rin ako at sambahin siya.

⁹Pagkarinig nila sa hari ay tumuloy na sila sa kanilang lakad. Narito, ang bituin na kanilang nakita sa silanganan ay nanguna sa kanila. Nanguna ito sa kanila hanggang sa sumapit at tumigil sa tapat ng kinaroroonan ng maliit na bata. ¹⁰Nang makita nila ang bituin, lubos silang nagalak. ¹¹Nang sila ay nasa loob na ng bahay, nakita nila ang bata, kasama ang kaniyang inang si Maria. Sila ay nagpatirapa at sinamba ang bata. Nang mabuksan na nila ang kanilang mga kayamanan, naghandog sila sa kaniya ng mga kaloob. Ang mga ito ay ginto, kamangyan at mira. ¹²At nagbabala ang Diyos sa kanila sa isang panaginip na huwag na silang bumalik kay Herodes. Kaya sila ay nag-iba ng daan pauwi sa kanilang sariling lupain. source http://www.biblegateway.com

Hindi man eksaktong December 25 ang araw ng kapanganakan ng Panginoon Jesus. Ang mahalaga ay ang pagdating Nya para maligtas ang bawat isa.


Christmas is a time of; gift giving, noche buena, pag decorate ng mga Christmas ornament sa bahay, party all the way, pagsabit ng parol, pagkaroling, simbang gabi, pagkain ng masasarap na fiesta ham, puto at bibingka, pagkaroon ng bagong damit at sapatos.

Ano nga ba ang tunay na diwa ng pasko?

Peace - Ang kapayapaan ay magsisimula sa ating sarili.
Share - Kung paano natin natatanggap ang mga blessing ay marapat na ipamahagi natin.
Love - kalimutan ang ang mga adhiwaan at magmahalaan tayo. Katulad ng pagmamahal ng Diyos sa atin.
Humility - si Jesus ay ipinanganak sa sabsaban. Dito ipinakikita ang kababaang loob na ating Panginoon.

Ilan lang yan sa mga diwa ng pasko. Dapat natin ipamuhay ang tunay na diwa, hindi lang sa pagsapit sa buwan ng December kundi sa buong taon. Sana araw-araw ay magiging Pasko lagi. Bukod sa materials, higit dito ay spiritual nating pamumuhay.

Para sa inyo ano nga ba ang essence ng pasko?

Maligayang at Mapagpalang Pasko sa inyong lahat!
Kung His Hsin Nien bing Chu Shen Tan
Glaedelig Jul
Joyeux Noel
Selamat Hari Natal
Shinnen omedeto. Kurisumasu Omedeto
Maupay nga Pasko ngan Mainuswagon nga Bag-o nga Tu-ig
Sawadee Pee Mai
Merry Christmas!

Life Moto
life is worth living for...